Íslendingar atkvæðamiklir

Arnór Þór Gunnarsson sypur af vatnsflösku á landsliðsæfingu í síðasta mánuði. Hann var einu sinni sem oftar markahæstur hjá Bittenfeld í gærkvöldi. Golli / Kjartan Þorbjörnsson

Arnór Þór Gunnarsson og Árni Þór Sigtryggsson voru atkvæðamiklir í liði TV Bittenfeld í gærkvöldi þegar liðið gerði jafntefli við Friesenheim í þýsku 2. deildinni í handknattleik, 27:27.

Arnór skoraði sex mörk og var markahæstur ásamt Florian Schöbinger en Árni Þór skoraði fimm sinnum.

Arnór Þór kom Bittenfeld yfir, 27:26, þegar hálf önnur mínúta var til leiksloka en heimamenn jöfnuðu metin þegar tvær mínútur voru eftir. Um leið var Árna Þór vísað af leikvelli í tvær mínútur.

Bittenfeld var marki yfir í hálfleik, 15:14, en leikurinn var jafn allan tímann og aldrei munaði meira en tveimur mörkum. Bittenfeld situr í 10. sæti af 20 liðum með 20 stiga að loknum 19 leikjum.