„Dómgæslan hneyksli“

Einar Jónsson, þjálfari Fram. mbl.is/Eggert

Ólafur Már Þórisson omt@mbl.is

Það var mikil dramatík á lokamínútunum þegar Afturelding og Fram skildu jöfn 23:23 í N1-deild karla í handknattleik. Framarar höfðu yfir 22:20 þegar skammt var eftir en Afturelding náði að jafna metin þegar Hilmar Stefánsson fyrirliði liðsins skoraði síðasta markið níu sekúndum fyrir leikslok úr vítakasti.

Einar Jónsson þjálfari Fram var hreint út sagt öskuvondur eftir leikinn út í dómaraparið Gísla Jóhannsson og Hafstein Ingibergsson. „Dómgæslan var hneyksli í 30 mínútur í seinni hálfleik. Það er ófyrirgefanlegt hvernig dómgæslan var í seinni hálfleik. Það gekk svo langt að eftirlitsmennirnir voru farnir að hlæja við tímavarðaborðið. Afturelding má þakka dómurunum fyrir stigið,“ sagði Einar og sagðist geta nefnt mörg dæmi sem hann og gerði.

Sjá nánar umfjöllun um leikinn í íþróttablaði Morgunblaðsins í dag.