Rymanov efstur á blaði

Vladimir Maximov hætti fyrr skömmu eftir áratuga starf sem landsliðsþjálfari Rússa í handknattleik karla. Alexander Rymanov þykir líklegastur til að taka við starfinu. Reuters

Alexander Rymanov mun vera efstur á lista rússneska handknattleikssambandsins yfir þá þjálfara sem það hefur augastað á til að taka við starfi landsliðsþjálfara karla af Vladimir Maximov sem sagði starfi sínu lausu eftir Evrópumeistaramótið í Serbíu fyrir skömmu.

Rymanov gjörþekkir rússneska handknattleik, jafnt sem leikmaður og þjálfari. Hann var ólympíumeistari sem leikmaður 1988 og heimsmeistari 1982 og 1989 auk þess að vera þrautreyndur þjálfari. Hann hefur m.a. þjálfað hjá Rheinhausen, Tusem Essen, GWD Minden, Friesenheim og HSG Gensungen/Felsberg í Þýskalandi og Limburg Lions í Hollandi.

Stjórn rússneska handknattleikssambandsins stefnir að því að ráða nýjan þjálfara fyrir lok næsta mánaðar. Boris Aleshin, formaður sambandsins, staðfestir í samtali við R-sport að Rymanov komi sterklega til álita sem næsti landsliðsþjálfari.