Valur hafði sigur gegn Gróttu

Hrafnhildur Skúladóttir var markahæst hjá Val gegn Gróttu í dag. Eggert Jóhannesson

Valur hafði sigur gegn Gróttu, 27:22, í N1-deild kvenna í handknattleik í dag. Staðan í hálfleik var 17:11 og sá munur hélst meira og minna allt til loka. Markahæst hjá Val var Hrafnhildur Ósk Skúladóttir með átta en Anna Úrsúla Guðmundsdóttir og Ragnhildur Rósa Guðmundsdóttir komu næstar með fjögur mörk hvor.

Hjá Gróttu voru Laufey Ásta Guðmundsdóttir, Sunna María Einarsdóttir og Elín Helga Jónsdóttir allar með fjögur mörk.

Valur náði þar með tveggja stiga forskoti á Fram sem getur þó með sigri á Haukum síðar í dag jafnað Hlíðarendastúlkur. Klukkan 16 eigast einnig við FH og KA/Þór í Hafnarfirði og HK og Stjarnan í Kópavogi.