Góður sigur hjá Þóri og félögum

Þórir Ólafsson. heimasíða/Vive Tragi Kielce

Þórir Ólafsson og samherjar hans í pólska liðinu Vive Kielce unnu í gærkvöldi ungverska liðið Veszprém, 24:21, í Meistaradeild Evrópu í handknattleik en leikið var í Ungverjalandi. Með sigrinum glæddust vonir leikmanna pólska liðsins um að komast í 16 liða úrslit keppninnar.

Þórir skoraði tvö af mörkum Kielce í leiknum. Leikmenn Veszprém voru marki yfir í hálfleik, 13:12, en frábær varnarleikur og framúrskarandi leikur Danans Marcus Cleverly í markinu lögðu grunninn að þriggja marka sigri.

Atlético Madrid vann Guðmundur Árna Ólafsson og samherja í Bjerringbro/Silkeborg, 31:27, í sama riðli Meistaradeildarinnar í gær. Leikurinn fór fram á Spáni og dæmdu þeir Jónas Elíasson og Ingvar Guðjónsson leikinn.

Atlético Madrid er efst í riðlinum með 14 stig að loknum átta leikjum. Veszprém er með 10 stig og Vive Kielce átta. Medvedi og Füchse Berlin eru með sjö stig hvort og mætast í dag. Bjerringbro/Silkeborg rekur lestina án stiga.