Gunnar til Gummersbach?
Gunnar Steinn Jónsson. www.mbl.is
Hið fornfræga þýska handknattleikslið Gummersbach hefur áhuga á að fá Gunnar Stein Jónsson, leikstjórnanda sænska liðsins Drott, til liðs við sig nú þegar. Gummersbach leitar nú að leikstjórnanda og sterkum varnarmanni eftir að aðalleikstjórnandi liðsins meiddist á dögunum. Munu þeir einnig hafa serbneskan handknattleiksmann í sigtinu ásamt Gunnari.
Í samtali við Morgunblaðið staðfesti Gunnar Steinn að viðræður hafi farið fram um vistaskipti sín til Gummerbach. „Þetta kom upp á síðasta miðvikudag og hefur verið í athugun síðan. Þjálfari Drott vill ekki sleppa mér nú þegar en stjórn félagsins er hinsvegar að velt þessu fyrir sér og málið er í höndum hennar núna. Samningur minn við Drott rennur út í vor og því á félagið möguleika á að fá einhvern pening fyrir mig núna en ekkert í vor þegar samningurinn rennur út,“ sagði Gunnar Steinn.
Nánar um málið í 8 síðna íþróttablaði Morgunblaðsins í dag.
