Hlakka til að fá Guðjón

Alfreð Gíslason. mbl.is

Guðmundur Hilmarsson
gummih@mbl.is

„Það verður gaman að fá að vinna aftur með Guðjóni Val og hann á eftir að falla vel inn í okkar lið og leikstíl. Guðjón er frábær íþróttamaður í alla staði og það eru ekki margir 25 ára leikmenn í heiminum sem standast honum snúninginn. Ég hlakka til að fá hann í liðið,“ sagði Alfreð Gíslason, þjálfari þýska stórliðsins Kiel, í samtali við Morgunblaðið í gær en á dögunum var það gert opinbert að Guðjón Valur mun ganga í raðir Kiel í sumar þegar samningur hans við danska meistaraliðið AG Köbenhavn rennur út. Guðjón lék undir stjórn Alfreðs hjá þýska liðinu Gummersbach í tvö ár og einnig með íslenska landsliðinu.

Nánar er rætt við Alfreð í íþróttablaði Morgunblaðsins í dag en Kiel er með fullt hús stiga eftir tuttugu leiki í deildinni.