Ísland í 5. sæti í Evrópu

Leikmenn íslenska landsliðsins heilsa leikmönnum Frakka á EM í Serbíu. Reuters

Íslenska karlalandsliðið í handknattleik er í 5. sæti á styrkleikalista evrópska handknattleikssambandsins, EHF, en nýr listi hefur verið gefinn út eftir Evrópumótið í Serbíu í síðasta mánuði.

Íslendingar höfnuðu í 10. sæti á Evrópumótinu í Serbíu eftir að hafa lent í þriðja sæti á Evrópumótinu í Austurríki fyrir tveimur árum.

Evrópumeistarar Dana tróna á toppi listans og í næstu sætum á eftir koma Króatar og Frakkar.

Fimmtán efstu þjóðirnar á styrkleikalistanum eru:

1. Danmörk
2. Króatía
3. Frakkland
4. Spánn
5. Ísland
6. Pólland
7. Serbía
8. Þýskaland
9. Ungverjaland
10. Noregur
11. Svíþjóð
12. Slóvenía
13. Makedónía
14. Tékkland
15. Austurríki