Guðjón Valur í liði umferðarinnar (myndskeið)

Guðjón Valur Sigurðsson. www.agkbh.dk

Guðjón ValurSigurðsson, leikmaður danska meistaraliðsins AG Köbenhavn, var valinn í lið umferðarinnar í Meistaradeild Evrópu fyrir frammistöðu sína í sigurleiknum gegn franska meistaraliðinu Montpellier.

Guðjón Valur skoraði átta mörk og var markahæstur í danska liðinu sem með sigrinum tryggði sér sæti í 16-liða úrslitum keppninnar. Guðjón er í 10. sæti yfir markahæstu leikmenn í Meistaradeildinni en hann hefur skorað 49 mörk. Hann er annar markahæsti leikmaður AG Köbenhavn í Meistaradeildinni, sá markahæsti er stórskyttan Mikkel Hansen með 62 mörk.

Með því að smella hér má sjá myndskeið með tilþrifum sjö bestu leikmanna síðustu umferðar Meistaradeildarinnar.