Óskar Bjarni Óskarsson aðstoðarlandsliðsþjálfari getur ekki tekið að sér starf aðstoðarlandsliðsþjálfara vegna anna hjá Viborg HK í Danmörku að því er fram kemur í fréttatilkynningu frá HSÍ.
Gunnar Magnússon, þjálfari Kristjansand í Noregi, mun verða aðstoðarþjálfari Arons Kristjánssonar en Gunnar hefur verið í þjálfarateymi karlalandsliðsins óslitið frá því í mars 2006.
Jafnframt mun Erlingur Richardson fyrrum þjálfari HK og núverandi þjálfari ÍBV koma inn í þjálfarateymi karlalandsliðsins.
Handknattleikssamband Íslands vill nota tækifærið og þakka Óskari Bjarna Óskarssyni fyrir frábært samstarf og frábæran árangur en Óskar hefur verið aðstoðarþjálfari frá því í mars 2008.