Stefán Rafn innsiglaði sigur Löwen
Setja bókamerki
Stefán Rafn Sigurmannsson innsiglaði sigur Rhein-Neckar Löwen þegar liðið sigraði Magdeburg, 34:33, í framlengdum leik í þýsku bikarkeppninni í handknattleik í kvöld.
Löwen, sem lék á heimavelli, lenti í vandræðum en Magdeburg náði sex marka forskoti í byrjun seinni hálfleiks en staðan eftir venjulegan leiktíma var jöfn, 27:27. Í framlengingunni reyndust lærisveinar Guðmundar Guðmundssonar sterkari.
Stefán Rafn lék sinn fyrsta leik með Löwen og hann skoraði 4 mörk og gerði 34. og síðasta mark liðsins. Alexander Petersson náði hins vegar ekki að skora fyrir Löwen. Markvörðurinn Björgvin Páll Gústavsson var í leikmannahópi Magdeburg í fyrsta sinn í langan tíma en hann hefur loks jafnað sig af veikindum.
Guðjón Valur Sigurðsson skoraði 2 mörk og Aron Pálmarsson 1 fyrir Kiel í öruggum útisigri liðsins á Bad Schwartau, 35:26.
Emsdetten, sem leikur í B-deildinni, veitt stórliði Hamborg harða keppni en Hamborg marði sigur, 30:29. Ólafur Bjarki Ragnarsson skoraði 4 mörk fyrir Emsdetten og Ernir Hrafn Arnarsson 2. Hjá Hamburg var hinn hálf íslenski Hans Lindberg markahæstur með 13 mörk.
Flensburg vann öruggan útisigur á B-deildarliði Nordhorn, 35:19. Ólafur Gústafsson var ekki í leikmannahópi Flensburg.
Vélsleðaslys: Þyrlan kölluð út á mesta forgangi
Væri að ljúga ef ég segðist ekki stressaður
Banna mengandi búnað sem leyfður er á Íslandi
Árshátíð ríkislögreglustjóra haldin í Tékklandi
Kostnaður meiri en milljón á fermetra
Handteknir eftir myndatöku í Vesturbæjarlaug
Eyjafjarðarbraut lokað vegna alvarlegs umferðarslyss