Róbert með sex í sigurleik

Róbert Gunnarsson. mbl.is/Golli

Róbert Gunnarsson skoraði sex mörk í gærkvöld þegar París Handball hélt áfram sigurgöngu sinni í frönsku 1. deildinni í handknattleik og vann Dunkerque, 30:25, á heimavelli.

Róbert var markahæstur í stjörnum prýddu liðinu ásamt Mikkel Hansen og Marko Kopljar sem gerðu líka 6 mörk hvor. Ásgeir Örn Hallgrímsson skoraði eitt mark fyrir Parísarliðið sem er með 34 stig eftir 17 umferðir og níu stiga forskot á Montpellier sem kemur næst. vs@mbl.is