Anton Gylfi Pálsson og Jónas Elíasson, handknattleiksdómarar, munu ekki sitja auðum höndum um páskana. Þeir hafa verið settir dómarar á viðureign frönsku liðanna Nantes og Montpellier í 8-liða úrslitum EHF-keppninnar í handknattleik karla.
Leikurinn fer fram í Nantes á öðrum degi páska, eftir viku, og er um að ræða fyrri viðureign liðanna í keppninni. Þeir félagar munu þar með nota páskadag til þess að ferðast til Frakklands.
Gunnar Steinn Jónsson leikur með Nantes.