Karen Knútsdóttir, landsliðskona í handknattleik og nýir samherjar hennar í franska 1. deildarliðinu Nice, unnu í gær sterkt æfingamót í handknattleik í Þýskalandi. Nice vann þýska meistaraliðið Thüringer HC í hnífjöfnum úrslitaleik, 23:22.
Franska liðið Metz hafnaði í þriðja sæti eftir að hafa lagt Byåsen frá Noregi. Alls tóku sex lið þátt í mótinu en auk þeirra fjögurra sem áður er getið sendi Leverkusen og HC Dunarea Braila frá Rúmeníu lið til keppni.
Nice vann Byåsen og HC Dunarea Braila í mótinu en tapaði fyrir Thüringer í riðlakeppninni en hefndir fyrir tapið þegar liðin mættust í úrslitaleiknum.
Karen gekk til liðs við Nice í sumar frá SönderjyskE í Danmörku.