Stjarnan hafði HK

Nýliðar Stjörnunnar náðu í sín fyrstu stig í Olís-deild karla í handbolta í kvöld þegar Garðbæingar lögðu nágranna sína úr Kópavogi í HK að velli, 27:26 í 2. umferð deildarinnar í kvöld. Leikurinn fór fram í Mýrinni í Garðabæ. Stjarnan hafði fimm marka forystu í hálfleik, 13:8.

Andri Hjartar Grétarsson var markahæstur hjá Stjörnunni í kvöld með 7 mörk og Egill Magnússon skoraði 5 mörk, en hjá HK skoraði Þorgrímur Smári Ólafsson mest, eða 9 mörk. HK er án stiga eftir fyrstu tvær umferðirnar.

Mörk Stjörnunnar: Andri Hjartar Grétarsson 7, Egill Magnússon 5, Víglundur Jarl Þórsson 4, Þórir Ólafsson 4, Hilmar Pálsson 3, Ari Magnús Þorgeirsson 2, Ari Pétursson 1, Starri Friðriksson 1.

Mörk HK: Þorgrímur Smári Ólafsson 9, Garðar Svansson 4, Þorkell Magnússon 4, Óðinn Þór Ríkharðsson 3, Leó Snær Pétursson 3, Daði Laxdal Gautason 1, Tryggvi Þór Tryggvason 1, Guðni Már Kristinsson 1.

• Blogga um frétt