Gunnar og Davíð tryggðu Aftureldingu þriðja sigurinn

Afturelding heldur sigurgöngu sinni áfram í Olís-deild karla í handknattleik. Liðið vann Íslandsmeistara ÍBV, 24:22, í hörkuleik í Mosfellsbæ í dag. Eyjamenn voru marki yfir í hálfleik, 13:11. Gunnar Malmquist skoraði 24. mark Aftureldingar úr vítakasti þegar hálf mínúta var til leiksloka. Davíð Svansson hafði skömmu áður varið skot frá Eyjamanni og kom í veg fyrir að hann jafnaði metin. Davíð varði einnig skot Eyjamanns í lokin.

ÍBV hefur þar með eitt stig í neðri hluta deildarinnar. Liðið varð fyrir áfalli í leiknum þegar Agnar Smári Jónsson meiddist á hné og ökkla eftir 25 mínútna leik. Þá missti Einar Sverrisson úr kafla í síðari hálfleik eftir að sjón hans truflaðist í kjölfar höggs.

Afturelding var einnig án tveggja leikmanna. Örn Ingi Bjarkason var meiddur og Jóhann Jóhannsson tók úr leikbann.

Aftureldingarliðið var sterkara framan af fyrri hálfleik en Eyjamenn sneru leiknum sér í hag og komust yfir rétt fyrir hálfleik. ÍBV byrjaði á að skora í síðari hálfleik og ná tveggja marka forskoti, 13:11. Aftureldingarliðið barðist af krafti og komst yfir, 16:14 og 20:18. Þegar skammt var til leiksloka var forskot Aftureldingar þrjú mörk, 22:19, en Eyjamenn neituðu að gefa sinn hlut eftir baráttulaust og höfðu nærri því jafnað metin.

Varnarleikur var aðal beggja liða í leiknum á kostnað sóknarleiksins þar sem bæði lið eiga mikið inni auk þess að vera ekki með sína sterkustu leikmenn frá upphafi til enda. Breiddin í leikmannahópi Aftureldingar var meiri að þessu sinni og það skilaði sigrinum þegar upp var staðið.

Mörk Aftureldingar: Elvar Ásgeirsson 5, Gunnar Malmquist 5, Böðvar Páll Ásgeirsson 4, Gestur Ólafur Ingvarsson 3, Jóhann Gunnar Einarsson 3, Pétur Júníusson 3, Árni Bragi Eyjólffson 1.
Varin skot: Davíð Svansson 15.
Utan vallar: 10 mínútur.

Mörk ÍBV: Theodór Sigurbjörnsson 8, Grétar Eyþórsson 4, Dagur Arnarsson 3, Agnar Smári Jónsson 3, Einar Sverrisson 2, Andri Heimir Friðriksson 1, Magnús Stefánsson 1.
Varin skot: Kolbeinn Arnarsson 17. 
Utan vallar: 6 mínútur.

Nánari tölfræði og viðtöl birtast innan skamms hér á mbl.is.

Gunnar Malmquist Þórsson skorar eitt fimm marka sinna gegn ÍBV að Varmá í dag. Styrmir Kári

• Blogga um frétt