Landsliðskonan Hildur Þorgeirsdóttir tryggði Koblenz/Weibern sigur á Bietigheim á útivelli í gær, 26:25, með marki á síðustu sekúndu leiksins, í 6. umferð þýsku 1. deildarinnar í handknattleik.
Bietigheim var með boltann í stöðunni 25:25 og tók leikhlé þegar 40 sekúndur voru eftir. Branka Zec varði lokaskot þeirra og Hildur og félagar geystust fram þar sem Hildur skoraði sitt annað mark í leiknum og tryggði sigurinn í blálokin.
Þetta var annar sigur Koblenz á leiktíðinni og liðið er því með 4 stig í 10. sæti en Bietigheim er í 13. sæti, fallsæti, með 3 stig.