Ásgeir Örn Hallgrímsson mun koma til móts við íslenska landsliðið í handknattleik í Svartfjallalandi um helgina og leika gegn heimamönnum á sunnudaginn í mikilvægum leik í undankeppni EM.
Þetta staðfesti Aron Kristjánsson landsliðsþjálfari á fréttamannafundi í dag. Ásgeir missir af leiknum við Ísrael í Laugardalshöll annað kvöld en hann átti von á barni ásamt konu sinni. Barnið er nú fætt og því mun Ásgeir ferðast til Svartfjallalands um helgina.
Íslenski hópurinn heldur frá Íslandi á föstudag til Kaupmannahafnar, og fer þaðan áfram til Svartfjallalands á laugardag.