Svo kann að fara að Atli Hilmarsson fari út í þjálfun á nýjan leik og taki við karlaliði Akureyrar handboltafélags í Olís-deild karla. Heimir Örn Árnason, annar þjálfari Akureyrarliðsins, mun vera að íhuga það alvarlega að taka fram skóna á nýjan leik og hætta þá þjálfun liðsins um leið.
Forráðamenn Akureyrar handboltafélags hafa horft í kringum sig eftir manni í brúnna í stað Heimis Arnar og hefur m.a. verið rætt við Atla eftir því fram kemur á sport.is í dag.
Atli stýrði Akureyarliðinu um nokkurra ára skeið með góðum árangri. M.a. lék varð Akureyrarliðið deildarmeistari vorið 2011 undir hans stjórn og tapaði í framhaldinu fyrir FH í úrslitaeinvígi um Íslandsmeistaratitilinn. Einnig komst Akureyrarliðið í úrslit bikarkeppninnar undir stjórn Atla. Hann þekkir því vel til í handboltanum nyrðra en auk þess að þjálfara Akureyrarliðið þá stýrði Atli KA um margra ára skeið með góðum árangri.
Akureyri er í sjöunda sæti með sex stig eftir átta leiki í Olís-deildinni. Auk Heimis Arnar er Sverre Andreas Jakobsson, þjálfari Akureyrarliðsins. Sverre leikur jafnframt með liðinu.