Kári Kristján Kristjánsson og Björgvin Hólmgeirsson verða utan hóps þegar íslenska landsliðið í handknattleik mætir Ísraelsmönnum í fyrsta leik sínum í undankeppni Evrópumótsins.
Aron Pálmarsson er meiddur og spilar ekki og þá er Ásgeir Örn Hallgrímsson fjarri góðu gamni í kvöld en hann verður klár í slaginn í leiknum á móti Svartfellingum á sunnudaginn.
Flautað verður til leiks í Laugardalshöllinni klukkan 19.30 í kvöld.