Framkonur eru enn með fullt hús stiga á toppi Olís-deildar kvenna í handknattleik en þær unnu níunda sigur sinn í jafnmörgum leikjum í kvöld þegar þær lögðu FH að velli í Safamýrinni, 21:15.
Fram var fjórum mörkum yfir í hálfleik, 12:8. Liðið hefur nú tveggja stiga forskot á Gróttu og ÍBV. FH er í 10. sæti með 6 stig.
Mörk Fram: Guðrún Þóra Hálfdánsdóttir 4, Elísabet Gunnarsdóttir 4, María Karlsdóttir 4, Ásta Birna Gunnarsdóttir 3, Sigurbjörg Jóhannsdóttir 3, Steinunn Björnsdóttir 2, Elva Þóra Arnarsdóttir 1.
Mörk FH: Aníta Mjöll Ægisdóttir 6, Rebekka Guðmundsdóttir 2, Ingibjörg Pálmadóttir 2, Heiðdís Rún Guðmundsdóttir 1, Steinunn Snorradóttir 1, Birna Íris Helgadóttir 1, Alana Elín Steinarsdóttir 1, Sara Kristjánsdóttir 1.