Framarar unnu í Eyjum

Framarar, sem sátu á botninum í úrvalsdeild karla í handknattleik, Olís-deildinni, gerðu sér lítið fyrir og unnu Íslandsmeistara ÍBV, 26:25, í Íþróttamiðstöðinni í Vestmannaeyjum í kvöld.

Eyjamenn höfðu yfirhöndina allan leikinn og voru meðalannars 12:10 yfir í hálfleik. Eyjamenn héldu upptækum hætti í seinni hálfleik og voru með forystuna lengst ef en staðan var 25:23 fyrir ÍBV þegar þrjár mínútur voru eftir. En með sterkri vörn og nokkrum mikilvægum vörðum skotum frá Kristófer komust Framarar yfir en úrslitamarkið gerði Ólafur Jóhann Magnússon þegar rúm mínúta var eftir.

Mörk ÍBV: Einar Sverrisson 6, Theodór Sigurbjörnsson 6, Agnar Smári Jónsson 3, Dagur Arnarsson 2, Svavar Kári Grétarsson 2, Andri Heimir Friðriksson 2, Grétar Þór Eyþórsson 2, Hákon Daði Styrmisson 1, Sindri Haraldsson 1.

Mörk Fram: Þröstur Bjarkason 6, Sigurður Örn Þorsteinsson 4, Garðar Sigurjónsson 4, Ólafur Jóhann Magnússon 3, Stefán Baldvin Stefánsson 3, Kristinn Björgúlfsson 3, Ólafur Ægir Ólafsson 2, Arnar Freyr Ársælsson 1.

ÍBV er áfram með 9 stig í 7. sæti deildarinnar og er nú að dragast niður í fallbaráttuna en Fram er nú í 9. og næstneðsta sæti með 6 stig.

• Blogga um frétt