Dæma þriðja leikinn í Meistaradeildinni

Jónas Elíasson og Anton Gylfi Pálsson.
Jónas Elíasson og Anton Gylfi Pálsson. Eva Björk Ægisdóttir

Handknattleiksdómararnir Anton Gylfi Pálsson og Jónas Elíasson hafa verið settir dómarar á viðureign Orlen Wisla Plock og Barcelona í B-riðli Meistaradeildar Evrópu laugardaginn 6. desember. Þetta verður þriðji leikurinn sem þeir félagar dæma í Meistaradeildinni á þessari leiktíð, þar af annar leikurinn hjá stórliði Barcelona sem Guðjón Valur Sigurðsson leikur með.

Viðureign Wisla Plock og Barcelona fer fram í Plock Arena í Póllandi.  Sem stendur er Barcelona í efsta sæti B-riðils en pólska liðið í fjórða sæti. 

mbl.is
Fleira áhugavert
Fleira áhugavert