Fimmtugasti sigur Börsunga í röð

Guðjón Valur Sigurðsson í leik með Barcelona.
Guðjón Valur Sigurðsson í leik með Barcelona. AFP

Sigurganga Spánarmeistara Barcelona í handboltanum hélt áfram í kvöld en Börsungar burstuðu Cangas, 43:22, á heimavelli sínum.

Stjörnum prýtt lið Barcelona hefur þar með unnið alla 19 leiki sína og liðið stefnir hraðbyri að enn einum meistaratitlinum.

Það sem meira er - þetta var 50. sigur Barcelona í röð í spænsku 1. deildinni en liðið hefur unnið alla sína leiki frá því í næstsíðustu umferð vorið 2013.

Guðjón Valur Sigurðsson hafði hægt um sig í kvöld en hann komst ekki á blað í leiknum. Wael Jallouz var markahæstur í Katalóníuliðinu með 7 mörk og Siarhei Rutenka kom næstur með 5 mörk.

mbl.is
Fleira áhugavert
Fleira áhugavert