Landsliðskonan Birna Berg Haraldsdóttir var atkvæðamikil þegar Molde lagði Fana á útivelli í norsku B-deildinni í handknattleik í gær, 28:21.
Birna Berg var markahæst í liði Molde með átta mörk en Einar Jónsson er þjálfari liðsins sem er í öðru sæti deildarinnar, fimm stigum á undan liðinu sem er í þriðja sæti.
Birna var lánuð til norska liðsins í byrjun ársins frá sænska liðinu Sävehof og gildir lánssamningurinn út keppnistímabilið.