Fylkir gerði sér lítið fyrir og krækti í eitt stig gegn Fram í Olís-deild kvenna í handknattleik í kvöld er leikið var í Fylkishöllinni, 18:18. Þar með endurheimti Fylki sjötta sæti deildarinnar sem Valur náði um stund að verma eftir sigur á FH-ingum.
Fylkir var tveimur mörkum yfir í hálfleik gegn Fram, 12:10, og var þremur mörkum yfir, 18:15, þegar um tíu mínútur voru til leiksloka. Patricia Szölözi gat tryggt Fylki sigur í blálokin en boltinn hafnaði í markslá Fram-liðsins á síðustu sekúndu.
Fram er í þriðja sæti deildarinnar með 30 stig þegar þrjár umferðir eru eftir en Grótta og Stjarnan sitja í tveimur efstu sætunum.
ÍBV vann HK í Digranesi, 26:21, eftir að hafa verið fjórum mörkum yfir í hálfleik, 14:10, og loks unnu Haukar öruggan sigur á neðsta liðinu, ÍR, 32:23, í íþróttahúsinu við Austurberg.
Fresta varð viðureign Gróttu og Selfoss vegna veðurs.
Fylkir - Fram 18:18 (12:10)
Mörk Fylkis: Thea Imani Sturludóttir 6, Patricia Szölözi 4, Ólöf Kristín Þorsteinsdóttir 3, Hildur Björnsdóttir 2, Sigrún Birna Arnardóttir 2, Kristjana Björk Steinarsdóttir 1.
Mörk Fram: Elísabet Gunnarsdóttir 4, Steinunn Björnsdóttir 4, Ragnheiður Júlíusdóttir 3, Ásta Birna Gunnarsdóttir 2, Marthe Sördal 2, Elva Þóra Arnardóttir 1, Hekla Rún Ámundadóttir 1, Hulda Dagsdóttir 1.
HK - ÍBV 21:26 (10:14)
Mörk HK: Gerður Arinbjarnar 5, Sigríður Hauksdóttir 4, Valgerður Ýr Þorsteinsdóttir 4, Emma Havin Sardardóttir 3, Þórhildur Braga Þórðardóttir 3, Hulda Bryndís Tryggvadóttir 2.
Mörk ÍBV: Ester Óskarsdóttir 10, Vera Loopez 4, Jóna Sigríður Halldórsdóttir 4, Díana Dögg Magnúsdóttir 3, Elín Anna Baldursdóttir 2, Telma Amado 2, Anna Þyri Ólafsdóttir 1.
ÍR - Haukar 23:32 (11:22)
Mörk ÍR: Brynhildur Bergmann Kjartansdóttir 8, Karen Tinna Demian 4, Sigrún Ása Ásgrímsdóttir 4, Auður Margrét Pálsdóttir 2, Petra Waage 2, Sif Maríudóttir 2.
Mörk Hauka: Ásta Björk Agnarsdóttir 7, Anna Lillian Þrastardóttir 5, Vilborg Pétursdóttir 5, Áróra Pálsdóttir 4, Ragnheiður Ragnarsdóttir 4, Karen Helga Diönudóttir 3, Gunnhildur Pétursdóttir 2, Agnes Egilsdóttir 1, Ragnheiður Sveinsdóttir 1.