Guðjón Valur Sigurðsson og samherjar í spænska meistaraliðinu Barcelona mæta HC Zagreb í 8-liða úrslitum Meistaradeildar Evrópu í handknattleik og fer fyrri leikurinn fram í Zagreb. Þýska meistarliðið Kiel dróst gegn Pick Szeged sem sló Rhein-Neckar Löwen út í 16-liða úrslitum keppninnar. Síðari viðureignin verður í Kiel.
Róbert Gunnarsson og félagar í PSG leika við ungverska meistaraliðið Veszprém og fer fyrri leikurinn fram í París.
Fjórði leikur 8-liða úrslitanna verður á milli Vardar Skopje og pólsku meistaranna, Vive Kielce.
Fyrri leikir 8-liða úrslitanna fara fram 8-. 12. apríl og seinni leikirnir 15. - 19. apríl.
Undanúrslitaleikirnir verða háðir í Köln laugardaginn 30. maí og úrslitaleikurinn daginn eftir á sama stað. Það er enn möguleiki að þrjú Íslendingalið verði í undanúrslitum keppninnar.