„Ég hef ákveðið að fara frá Þýskalandi en hvert er óráðið ennþá,“ segir Hildur Þorgeirsdóttir, handknattleikskona hjá þýska 1. deildar liðinu Koblenz/Weibern.
„Mín mál eru á byrjunarreit og ekki hægt á þessari stundu að segja mikið meira um hvað tekur við,“ segir Hildur sem er að ljúka sinni fjórðu leiktíð í Þýskalandi.
Hildur, sem lék með FH og Fram hér heima, fór út til Þýskalands sumarið 2011 eftir að hafa skrifað undir tveggja ára samning við Blomberg-Lippe. Þegar þeim samningi lauk flutti Hildur sig yfir til Koblenz/Weibern.
Sjá samtal við Hildi í heild í íþróttablaði Morgunblaðsins í dag.