Kiel endurheimti efsta sæti þýsku 1. deildarinnar í handknattleik í kvöld með stórum sigri, 32:17, á Bergsicher sem þeir Björgvin Páll Gústavsson og Arnór Þór Gunnarsson leika með. Leikið var á heimavelli Kiel sem hafði tveggja marka forskot í hálfleik, 11:9.
Leiðir skildu hinsvegar snemma í síðari hálfleik.
Arnór Þór Gunnarsson skoraði eitt mark af mörkum Bergischer úr vítakasti. Aron Pálmarsson skoraði eitt mark fyrir Kiel sem hefur 52 stig eftir 29 leiki í efsta sæti. Patrick Wiencek var markahæstur hjá Kiel með níu mörk og Marko Vujin var með sex mörk. Bergsicher er í 12. sæti.
Lærisveinar Dags Sigurðarssonar í Füchse Berlin unnu í kvöld Hamburg, 28:25, á heimavelli. Füchse Berlín situr í sjöunda sæti deildarinnar.