Jóhann Jóhannsson, leikmaður Aftureldingar, er kominn í tveggja leikja bann vegna rauða spjaldsins sem hann hlaut í tapi Aftureldingar gegn ÍR í undanúrslitum Olís-deildar karla í handknattleik í gær.
„Niðurstaða aganefndar er að leikmaðurinn er úrskurðaður í tveggja leikja bann að teknu tilliti til ítrekunaráhrifa,“ sagði á vef HSÍ um málið.
Staðan er 1:1 í einvíginu þar sem ÍR vann síðasta leik gegn Aftureldingu 25:24 í Breiðholti. Liðin mætast á ný á þriðjudag á heimavelli Aftureldingar í Mosfellsbæ.