„Ég var ágætur fyrir leik en svo varð þetta verra og verra. Maður er samt ekkert að kvarta þegar maður er í úrslitakeppni,“ sagði Jóhann Gunnar Einarsson við Morgunblaðið, með kælipoka á öxlinni, eftir sigur Aftureldingar á ÍR í undanúrslitum Íslandsmótsins í handknattleik.
Hann spilaði vel þrátt fyrir meiðsli en gat lítið sem ekkert skotið á markið, vegna axlarmeiðslanna sem hann varð fyrir í öðrum leik einvígisins. Jóhann kvaðst staðráðinn í að spila oddaleikinn.