Aron Kristjánsson og lærisveinar hans í KIF Kolding eru komnir með aðra höndina á meistarabikarinn og rúmlega það.
KIF Kolding sótti Skjern heim í fyrri úrslitaleiknum um meistaratitilinn í kvöld og fagnaði KIF Kolding sex marka sigri, 30:24, eftir að hafa verið yfir í hálfleik, 15:11.
Strákarnir hans Arons höfðu tögl og hagldir allan tímann og sigur þeirra var aldrei í hættu. Liðin eigast aftur við í Trefor Arena höllinni í Bröndby og með sigri í þeim leik tryggir KIF Kolding sér danska meistaratitilinn annað árið í röð undir stjórn Arons.