Sjö marka tap Íslands í Póllandi
Setja bókamerki
Íslenska kvennalandsliðið í handknattleik tapaði öðru sinni fyrir Póllandi í vináttuleik ytra í dag, 25:18, en leikirnir tveir voru liður í undirbúningi liðsins fyrir umspilsleikina við Svartfjallaland síðar í mánuðinum.
Leikurinn í gær fór fram fyrir luktum dyrum þar sem Pólland hafði betur 31:26. Í dag þurfti íslenska liðið að elta allan tímann, var meðal annars 14:7 undir í hálfleik og þegar tíu mínútur voru eftir munaði tólf mörkum á liðunum, 23:11.
Liðið gafst hins vegar ekki upp heldur skoraði sjö mörk gegn tveimur og náði að minnka muninn niður í sjö mörk áður en yfir lauk, lokatölur 25:18, fyrir framan rúmlega tvö þúsund áhorfendur.
Þórey Rósa Stefánsdóttir var markahæst með fimm mörk og alls vörðu þær Florentina Stanciu og Guðrún Ósk Maríasdóttir átján skot í markinu, þar af þrjú víti. Liðið kemur heim á morgun og hefur þá lokaundirbúning sinn fyrir leikina við Svartfjallaland.
Mörk Íslands: Þórey Rósa Stefánsdóttir 5, Arna Sif Pálsdóttir 3, Steinunn Hansdóttir 3, Birna Berg Haraldsdóttir 2, Hrafnhildur Hanna Þrastardóttir 1, Ragnheiður Júlíusdóttir 1, Anna Úrsúla Guðmundsdóttir 1, Kristín Guðmundsdóttir 1, Sunna Jónsdóttir 1.
Varin skot: Florentina Stanciu 12/1, Guðrún Ósk Maríasdóttir 6,/2.
Krefjast stöðvunar framkvæmda
Tveir í bílnum sem lenti utan vegar
Banna mengandi búnað sem leyfður er á Íslandi
Eyjafjarðarbraut lokað vegna alvarlegs umferðarslyss
„Það þarf að vinna mikinn fjölda upp“
Skar höfuðleðrið af íslenskri konu
Skiptir miklu meira máli en fólk grunar
Vélsleðaslys: Þyrlan kölluð út á mesta forgangi