Hannes og Bjarki komu Eisenach upp

Hannes Jón Jónsson og Bjarki Már Elísson fóru á kostum í 36:22 sigri Eisenach á Baunatal í þýsku 2. deildinni í handknattleik í dag. Með sigrinum tryggði Eisenach sér sæti í þýsku 1. deildinni á næsta tímabili.

Hannes og Bjarki voru markahæstu leikmennirnir í dag með 5 mörk. Hannes Jón gaf einnig 5 stoðsendingar og Bjarki gaf 2 stoðsendingar. Eisenach er í 2. sæti deildarinnar með 26 stig þegar einn leikur er til stefnu. Bjarki er markahæsti leikmaður deildarinnar með 270 mörk.

Hvorki Hannes né Bjarki mun þó spila með Eisenach í 1. deild. Hannes fer til Austurríkis í sumar og tekur við sem spilandi þjálfari hjá West Wien, liðinu sem Erlingur Richardsson hefur þjálfað. Erlingur tekur við Füchse Berlín og fær þangað til sín Bjarka Má.

• Blogga um frétt