Aron Kristjánsson, þjálfari íslenska karlalandsliðsins í handknattleik, hefur samið við HSÍ um nýjan tveggja ára samning.
Aron tók við íslenska landsliðinu af Guðmundi Guðmundssyni eftir Ólympíuleikana í Lundúnum árið 2012. Hann starfaði einnig sem þjálfari KIF Kolding á árunum 2013-2015 og varð danskur meistari tvisvar með félaginu.
Gunnar Magnússon og Ólafur Stefánsson munu einnig starfa áfram sem aðstoðarþjálfarar karlalandsliðsins.