Handknattleiksmarkvörðurinn Lárus Helgi Ólafsson er genginn til liðs við Gróttu, nýliðana í úrvalsdeild karla, og hefur skrifað undir tveggja ára samning við félagið en hann varði mark HK á síðasta tímabili.
Lárus Helgi er 27 ára gamall og var valinn leikmaður ársins hjá HK þar sem hann var í stóru hlutverki. Hann lék áður með Gróttu tímabilið 2011-12, þegar liðið var síðast í úrvalsdeildinni, og í tilkynningu frá handknattleiksdeild Gróttu segir að hann komi með aukna reynslu inn í ungt lið félagsins.