Þýska 1. deildin í handbolta karla hófst í dag og hófu Alfreð Gíslason og lærisveinar hans í Kiel keppnistímabilið með sigri á Gunnari Steini Jónssyni og félögum hans í Gummersbach. Lokatölur í leiknum urðu 30:26 fyrir Kiel.
Gunnar Steinn skoraði þrjú mörk fyrir Gummersbach í leiknum.
Þýsku meistararnir byrja því tímabilið í ár með góðum sigri, en Domagoj Duvnjak og Rune Dahmke voru markahæstir í liði Kiel með sex mörk hvor.