Gunnar Andrésson, þjálfari nýliða Gróttu segir Olís-deildina vera númer eitt, tvö og þrjú í sínum huga þrátt fyrir að liðið hafi komist í 8-liða úrslit Cola Cola bikarkeppninnar í gærkvöldi.
Grótta sló þá út FH eftir framlengdan leik en Grótta var undir stærstan hluta leiksins. Skoraði aðeins sex mörk í fyrri hálfleik og var fimm mörkum undir í upphafi síðari hálfleiks og þremur þegar tíu mínútur voru eftir. Grótta vann hins vegar framlenginguna örugglega og þar með leikinn 28:23.
Spurður um hvort bikarævintýri væri í kortunum hjá Seltirningum í vetur svaraði Gunnar því til að hann hugsaði fyrst og fremst um deildakeppnina en bikarævintýri yrði draumur ef svo færi.
Viðtalið við Gunnar má sjá í meðfylgjandi myndskeiði.