ÍBV átti ekki í vandræðum með að tryggja sér sæti í 8-liða úrslitum bikarkeppni karla í handknattleik í kvöld.
ÍBV burstaði 1. deildarlið HK í Eyjum, 37:25, eftir að hafa verið yfir í hálfleik, 19:9. Theodór Sigurbjörnsson skoraði 13 mörk fyrir Eyjamenn, Einar Sverrisson 8 og Grétar Eyþórsson 5. Hjá HK var Andri Helgason markahæstur með 8 mörk og Egill Björgvinsson skoraði 5.
ÍBV mætir Val í átta liða úrslitunum á heimavelli.