Óskar Bjarni Óskarsson, þjálfari Valsmanna var að vonum sáttur með sigur sinna manna á ÍBV í Eyjum í dag. Valsmenn unnu með tveimur mörkum, 25:23, eftir hörkuleik.
„Ég er mjög ánægður, hrikalega gaman að koma á frábæran útivöll og ná að klára mjög gott lið. Mér fannst þeir vera líklegri í fyrri hálfleik svo fannst mér vörnin okkar mjög góð í seinni hálfleik og mér fannst við vera með svör við öllu þar," sagði Óskar við mbl.is eftir leik en með sigrinum komst Valur áfram í undanúrslit bikarkeppni HSÍ.
Viðtalið í heild sinni má sjá í spilaranum hér að ofan.