Barcelona hefur staðfest að hornamaðurinn Valero Rivera muni ganga til liðs við félagið næsta sumar. Rivera skrifaði undir þriggja ára samning við Barcelona, en hann kemur til liðsins frá Nantes í Frakklandi.
Rivera er vinstri hornaður og er ætlað að fylla það skarð sem landsliðsfyrirliðinn Guðjón Valur Sigurðsson skilur eftir sig, en Guðjón Valur gengur til liðs við Rhein-Neckar Löwn eftir yfirstandandi keppnistímabil.
Rivera ólst upp í barna- og unglingastarfi Barcelona og lék með liðinu til ársins 2005, en þá gekk hann til liðs við Aragón. Rivera hefur verið í herbúðum Nantes frá árinu 2010, en hann er fjórði markahæsti leikmaður frönsku deildarinnar í vetur með 93 mörk.
Þá er Rivera fastamaður í spænska landsliðinu sem laut í lægra haldi fyrir Degi Sigurðssyni og lærisveinum hans hjá Þýskalandi á EM í Póllandi sem fram fór í síðasta mánuði. Rivera var markahæsti leikmaður mótsins með 48 mörk.