Ólafur Andrés Guðmundsson, landsliðsmaður í handknattleik, verður fyrirliði sænska meistaraliðsins Kristianstad í kvöld þegar það tekur á móti Drott í sænsku úrvalsdeildinni í handknattleik.
Ólafur hefur verið varafyrirliði Kristiandsandsliðsins síðan hann kom til þess undir lok síðasta árs. Johan Jepson, fyrirliði, er forfallaður í kvöld og þar með hleypur Ólafur í skarðið.
Kristiansand er efst í sænsku úrvalsdeildinni með 40 stig eftir 21 leik. Drott-liðið má hinsvegar muna sinn fífil fegurri en það rekur lestina í deildinni um þessar mundir með þrjú stig.