Aron Pálmarsson og samherjar hans í ungverska meistaraliðinu Veszprém sigruðu tyrkneska liðið Besiktas, 38:34 í Meistaradeild Evrópu í handknattleik í dag.
Veszprém var sex mörk yfir að loknum fyrri hálfleik, 21:15, og sigur þeirra var í raun aldrei í hættu. Aron lék vel í Tyrklandi og skoraði fimm mörk í leiknum.
Eftir leikinn er Veszprém í 2. sæti A-riðils Meistaradeildarinnar með 17 stig, stigi á eftir franska stórliðinu PSG.