Fjölnir stendur vel að vígi í baráttu sinni við Selfoss um sæti í Olís-deild karla í handknattleik. Fjölnisliðið tryggði sér annan vinninginn í rimmu liðanna í kvöld með sigri á Selfossi, 23:20, eftir að hafa verið undir, 11:8, eftir fyrri hálfleik.
Fjölnir þarf þar með aðeins einn sigur til viðbótar til þess að tryggja sér sæti í efstu deild karla í handknattleik í fyrsta sinn eingöngu undir eigin merki. Fjölnir var einu sinni með lið í efstu deildar karla ásamt Víkingi.
Selfoss-liðið var sterkara í fyrri hálfleik og hafði eins og áður segir þriggja marka forskot í hálfleik, 11:8. Fjölni skoraði þrjú fyrstu mörk síðari hálfleiks og seig síðan framúr. Selfoss-liðið var þó aldrei langt undan. Leikmönnum Selfoss voru nokkuð mislagðar hendur á lokasprettinum og fór illa með þau tækifæri til þess að minnka muninn niður í eitt mark.
Næstu leikur liðanna verður á föstudaginn í Dalhúsum í Grafarvogi og hefst kl. 19.30.
Mörk Selfoss: Teitur Örn Einarsson 6, Hergeir Grímsson 4, Andri Már Sveinsson 4, Elvar Örn Jónsson 2, Þórir Ólafsson 2, Atli Kristinsson 1, Eyvindur Hrannar Gunnarsson 1.
Mörk Fjölnis: Kristján Örn Kristjánsson 6, Sveinn Þorgeirsson 4, Brynjar Loftsson 3, Björgvin Páll Rúnarsson 3, Bjarki Lárusson 2, Sveinn Jóhannsson 2, Kristján Þór Karlsson 2, Matthías Örn Halldórsson 1.