Haukar eru komnir í 2:1 í einvígi sínu við Stjörnuna í undanúrslitum Olísdeildar kvenna. Haukar unnu í kvöld 29:23 en staðan í hálfleik var 14:10.
Leikurinn í kvöld varð í raun aldrei spennandi. Stjarnan byrjaði reyndar ágætlega en gestirnir urðu fyrir áfalli strax á 12. mínútu þegar Florentina Stanciu var borin af velli meidd. Heiða Ingólfsdóttir tók hennar stað í markinu og stóð sig vel.
Haukar héldu til búningsherbergja með fjögurra marka forystu, 14:10 og gerðu svo út um leikinn í upphafi síðari hálfleiks, þegar heimakonur skoruðu fyrstu fjögur mörkin og breyttu stöðunni í 18:10.
Þessi munur reyndist of mikill fyrir Stjörnuna og Haukar fögnuðu sanngjörnum og örggum sigri, 29:23
Næsti leikur liðanna verður í TM-höllinni í Garðabæ á föstudagskvöldið.
Haukar | 29:23 | Stjarnan | Opna lýsingu Loka | |
---|---|---|---|---|
60. mín. Þórhildur Gunnarsdóttir (Stjarnan) skoraði mark | ||||
Augnablik — sæki gögn... |