Guðjón Valur Sigurðsson skoraði glæsilegt mark fyrir Barcelona gegn Kiel í síðari leik liðanna í 8-liða úrslitum Meistaradeildar Evrópu í handknattleik. Markið er meðal þeirra fimm bestu sem skoruð voru í síðari leikjum 8-liða úrslitanna að mati sérfræðinga Handknattleikssambands Evrópu.
Markið dugði þó skammt þar sem Barcelona, sem vann Meistaradeildina fyrir ári, féll úr keppni fyrir lærsveinum Alfreðs Gíslasonar þrátt fyrir 33:30 sigur í Barcelona á laugardaginn. Kiel vann fyrri viðureignina með fimm marka mun, 29:24.
Kiel verður þar með í undanúrslitum á Final4 úrslitahelginni í Köln 28. og 29. maí ásamt Kielce frá Póllandi, Róberti Gunnarssyni og samherjum í franska stórliðinu PSG, og Aroni Pálmarssyni og samherjum hans í ungverska liðinu Veszprém sem lék til úrslita fyrir ári gegn Barcelona og tapaði. PSG hefur fyrr náð svo langt í keppnini.
Mark Guðjón Vals var afar gott en það er annað í röðinni á myndskeiðinu sem sjá má hér að neðan.