Englandsmeistarar Leicester City hafa áhuga á að fá kantmanninn Alex Oxlade Chamberlain til liðs við sig frá Arsenal.
Claudio Ranieri stjóri Leicester er með Chamberlain á óskalista sínum ef marka má fréttir enska blaðsins Mirror.
Chamberlain, sem er 22 ára gamall, varð fyrir meiðslum á hné í febrúar og missir af Evrópumótinu í Frakklandi í sumar en hann verður búinn að jafna sig áður en tímabilið hefst í ensku úrvalsdeildinni í haust.