Íslenska U20 ára landsliðið í handknattleik karla tapaði fyrir Þjóðverjum, 30:28, í öðrum leiknum á alþjóðlegu móti sem fram fer í Sviss en þar býr liðið sig undir lokakeppni Evrópumótsins.
Staðan í hálfleik var 15:13, Þjóðverjum í vil.
Ómar Ingi Magnússon var markahæstur með 6 mörk en markverðir liðsins náðu sér ekki á strik og vörðu aðeins sjö skot. Markvörðurinn Grétar Ari Guðjónsson var ekki í leikmannahópnum í dag en Bernharð Anton Jónsson tók sæti hans.
Landsliðið mætir Spáni á morgun í lokaleiknum á mótinu.
Markaskorar Íslands:
Ómar Ingi Magnússon 6
Óðinn Þór Ríkharðsson 5
Elvar Örn Jónsson 3
Arnar Freyr Arnarsson 3
Aron Dagur Pálsson 3
Gísli Þorgeir Kristjánsson 3
Ýmir Örn Gíslason 2
Hákon Daði Styrmisson 2
Leonarð Þorgeir Harðarson 1
Varin skot:
Einar Baldvin Baldvinsson 4
Bernharð Anton Jónsson 3