Grótta með fullt hús stiga
Setja bókamerki
Akureyri tapaði fyrir Gróttu, 20:21, í 2. umferð Olís-deildar karla í handknattleik í KA-heimilinu á Akureyri í kvöld.
Grótta byrjaði leikinn mun betur en Akureyringar voru yfir á kafla undir lok fyrri hálfleiks. Grótta leiddi samt með einu marki í hálfleik en staðan var þá 10:9.
Liðin skoruðu mjög lítið framan af í seinni hálfleiknum en Grótta þó töluvert meira og þegar fimm mínútur voru eftir var staðan 19:13 fyrir Gróttu. Markvörður þeirra, Lárus Helgi Ólafsson, varði mikið og var maðurinn á bak við þetta góða forskot.
Grótta fór svo að missa menn af velli og með ógnarhraða minnkuðu heimamenn muninn. Tíminn dugði þeim þó ekki en þeir skoruðu lokamarkið þegar tíminn var að renna úr og náðu að minnka muninn niður í eitt mark. Lokatölur 21:20 fyrir Gróttu.
Seltirningar byrja mótið vel og eru með tvo sigra á meðan Akureyringar eru stigalausir eftir tvær fyrstu umferðirnar.
| Akureyri | 20:21 | Grótta |
|
|---|---|---|---|
| Grótta tapar boltanum | |||
Myndskeið: Segjast hafa skotið niður sprengjuflugvél
Aðkoman í gripahúsið mjög slæm
29 nautgripir fundust dauðir
Segjast hafa skotið niður langdræga sprengjuvél
Hyggjast leyfa fólki að skoða gosið
Nauðgaði kærustu sinni og tók það upp
Sárt að horfa upp á illa meðferð fjármuna