Fjölnismenn unnu í kvöld toppslaginn í 1. deild karla í handknattleik með 27:25 sigri á ÍR í miklum spennuleik í Dalhúsum í Grafarvogi. Upplýsingar um gang leiksins og markaskorarar eru fengar frá vefsíðunni fimmeinn.is.
Staðan var 15:11 fyrir gestina úr Breiðholti í hálfleik. Fjölnismenn komust yfir í leiknum í fyrsta skipti þegar þrjár mínútur voru eftir, 26:25, og bættu við einu marki áður en yfir lauk.
Fjölnismenn hafa fullt hús stiga eftir fyrstu þrjár umferðirnar og eru í toppsætinu.
Mörk Fjölnis: Kristján Örn Kristjánsson 8, Breki Dagsson 5, Arnar Magnússon 4, Björgvin Páll Rúnarsson 3, Sveinn Þorgeirsson 3, Sveinn Jóhannesson 2, Brynjar Loftsson, Bjarki Lárusson 1.
Mörk ÍR: Jón Kristinn Björgvinsson 8, Valþór Atli Guðrúnarson 4, Halldór Logi Árnasson 4, Aron Örn Ægisson 3, Arnar Freyr Guðmundsson 2, Davíð Georgsson 1, Sigurður Rúnarsson 1. Eggert Jóhannesson 1.